Tauran ug Medalya ng Sugatang Magiting sa iyang dughan ang pulis nga na-angol atol sa buy-bust operation sa lungsod sa San Fernando habagatang Sugbu.
Ang Police Regional Office-7 mopasidungog ni PO2 Aristeo Tampus human nasamdan kini sa iyang bukton dihang nisukol ang ilang target sa buy-bust operation nga si Benjamin Acero Jr.
Si Acero niuna sa pagpusil human masayod nga pulis diay ang iyang gibaligyaan sa ilegal nga drugas .
Ang hepe sa kapolisan sa lalawigan sa Sugbu nga si Sr. Supt. Edgar Alan Okubo nibutyag nga ang hepe mismo sa PRO-7 ang mohatag sa medalya ngadto ni PO2 Tampus lakip na ang hinabang pinansiyal .
Samtang gisalikway ni Okubo ang pasangil sa pamilya ni Acero nga “overkill” ang pagpusil niini subay sa naangkon nga 13 ka samad pinusilan sa iyang lawas.
