Gipasanginlan kaniadto nga nalambigit sa ilegal nga drugas ang usa ka polis sa dakbayan sa Talisay nga si SPO2 Mikie Espina .
Ang hepe sa Investigation and Detective Management Branch sa Cebu Provincial Police Office, Lt./Colonel Eloveo Marquez nibutyag nga niadtong 2016 gibalhin si Espina gikan sa dakbayan sa Talisay paingon ngadto sa Luzon.
Kasamtangan siya nga nadestino ngadto sa Masbate City , hangtud sa pagkahitabo niini kagahapon diin gitirahan kini samtang nag-relax sa balkonahe sa ilang panimay sa Barangay Dumlog sa dakbayan sa Talisay .
Blangko pa ang kapolisan sa motibo ug responsabli sa pagpatay ni Espina .
Ang iyang pamilya nagduda nga Kuratong Baleleng ang nagtira ni Espina tungod kay kaniato pa kini adunay hulga gikan sa maong grupo .
