Patay ang isa ka polis nga miyembro sang Tacurong City Police Station, matapos nga tiruhon sang riding in tandem suspek sa Barangay Baras, Tacurong City, kahapon nga adlaw, Oktubre 19, 2021.
Ginkilala ang biktima kay Police Executive Master Sergeant (PEMS) Augusto Braganza, City Executive Senior Police Officer sang Tacurong CPS.
Suno kay LtCol. Joan Maganto, Chief of Police sang Tacurong CPS, base sa ila imbestigayon ginsundan sang mga suspek ang biktima base sa nakuha nila nga CCTV footage.
Nakaangkon sang duha ka igo sang bala ang biktima nga nangin tunaan sang iya nga kamatayon.
Pahayag ni LtCol Maganto nga isa sa ginalantaw nila nga motibo ang may kahilabtanan sa trabaho ni PEMS Braganza.
Apang sa subong suno kay Maganto nagapadayon ang ila nga imbestigasyon sa nasambit nga insidente.
Samtang ginakondena naman sang pamunuan sang Sultan Kudarat Police Provincial Office ang pagpatay kay PEMS Braganza.
