Political Analyst: Mga imbestigasyon sa senado, wala nakatabang sa mga pilipino

Davao City – Inay tukion ang mga nag-unang problema karon sa nasud sama sa kapobrehon, mas nakatutok hinuon ang panggamhanan sa mga wala nakatabang nga imbestigasyon.

Mao kini ang gibarugan sa usa ka political analyst nga si Prof. Ramon Beleno III atol sa interview sa DXDC RMN Davao.

Kini human sa mga isyu karong mitumaw sama sa PDEA leaks kun drug activities nga gikalambigitan matud pa ni President Ferdinand Marcos Jr. ug aktres Maricel Soriano.

Nagtuo si Beleno nga kini akusasyon pa lamang tungod wala pa napamatud-an sa korte. Ug ang tanan, posibleng isyu lang tungod magsugod na ang realignment alang sa 2025 midterm elections.

“Instead na ang ating pagtuonan ng pansin ay kung paano matutulungan ang ating kababayan na ma-survive itong mataas na inflation, eh puro ganun yung investigation nila. It is very unfortunate. We will expect more na lalabas pa na mga issues as we are getting near the October 2024 which is the filing of candicacy,” dugang butyag ni Beleno.
RadyoMaN Ivy Parido