Davao City – Mas maayo nga natuki ang kaso ni Kian, druga ug kurapsyon sa Customs kay niini, hinayhinay nahigmata ang katawhan nga dili na diay lalim ang giatubang nga hagit sa Pilipinas karon.
Si Ateneo de Davao University Professor Arnold Abejaron nagbutyag nga kung wala lang nagbaton og political will si Pangulong Duterte hayan kining tanan nga mga problema magpabilin sa hilom ug walay mga pushers ug mga kurakot nga malutos sa gobyerno.
Taliwala sa kabalaka nga moresulta kini sa dili maayo nga scenario, nagtuo si Abejaron nga walay rason ang mga kritiko sa kasamtangang administrasyon nga mangilog sa gahom kay mismo si Presidente Duterte naghatag man og kasiguruhan nga gilayon siyang muhawa sa puwesto kung mapamatud-an ang iyang involvement ug sa iyang pamilya sa droga,smuggling, ug ang labing bag-o nga isyu sa gi-ingong “tara” sa BOC.
Kasamang Joel Viray
