*Dili pa una mahatag sa Department of Social Welfare and Development kon D-S-W-D Field Office ang cash grant nga alang sa mga benepisaryo sa Pantawid Pamilyang Pilipino Program nga ubos sa over-the-counter pay-out. *
*Kini ang gipahibalo sa DSWD-10 gumikan matud pa sa nasinating technical glitches sa D-S-W-D ug Land Bank of the Philippines IT systems. *
*Nasayran nga dili pa mahatagan ang mga benepisaryo sa 20 ka lungsod ug usa ka syudad sa Misamis Oriental, Bukidnon, Misamis Oriental, ug Camiguin tungod kay nagpadayon pa ang IP Sec configuration ug testing tali sa team sa Land Bank of Philippines ug Ficco. *
*Ang Ficco matud pa ang usa sa mga conduit sa Land Bank of Philippines sa pagbayad sa cash grants sa benepisaryo sa 4Ps. *
*Tungod niini, maapektohan ang mga benepisaryo ang nagpuyo sa Catarman, Guinsiliban, Mahinog, Mambajao, ug Sagay sa probinsiya sa Camiguin; Kitaotao, Cabanglasan, Libona, ug Malitbog sa Bukidnon; Alubijid, Balingoan, El Salvador City, Claveria, Gitagum, Initao, Kinoguitan, Libertad, Lugait, Manticao, Naawan, ug Sugbongcogon sa Misamis Oriental.*
*Nasayran nga duha na ka bayranan ang wala pa ma-release nga cash grants nga alang sa mga benepisaryo sa 4Ps ning bulana apan dili kini madawat hangtod dili mahuman ang configuration. *
*Tungod niini, naglaom ang D-S-W-D 10 nga dalion ang pagsulbad sa pagkadelatar sa pagbayad sa mga benepisaryo kay apektado na ang mga sakop sa a D-S-W-D Field Office 10 ug ang mga benepisaryo.*
*By: Kasamang Ellah Baculio*
