Political Analyst: Pag-ubos sa approval ratings, kakulangon sa tibuok administrasyon

Davao City- Gawas sa inflation rate ug isyung confidential fund, nakita sa usa ka Davao City Political Analyst nga posibleng nagkahigayon usab ang oposisyon nga pahimuslan ang kapalpakan sa administrasyon hinungdan nga niubos ang approval rate sa presidente ug bise presidente diha sa ilang pagpanerbisyo sa nasud.

Sa pakighinabi sa DXDC RMN Davao kang Prof. Ramon Beleno III, iyang gibutyag nga aduna siya’y nakitang tulo ka posibleng rason sa kalit nga pag-ubos niining performace rating sama sa padayong pagtaas sa presyo sa mga palaliton, pagkawala sa og salig ang katawhan sa gobyerno tungod sa mga saad nga wala natuman sa hingpit ug ang presenya sa mga oposisyon.

Dugang pa ni Beleno nga ang kapakyasan karon sa gobyerno dili lang tungod sa pagdumala sa mga lideres kung dili kapakyasan usab sa kinatibuk-ang administrasyon.

“Hindi lang naman ang Presidente, hindi lang naman ang Vice President but in fact, the whole administration. Kasama na dyan ang Congress, medyo bumaba po ang kanilang performance rating so pwede natin masabi no na technically, this is an administration survey,” segun ni Beleno

Ang maong reaksyon subay sa Pulse Asia Survey nga niubos og 15% ang approval rate ni Presidente Ferdinand Marcos Jr. gikan sa 80% niadtong June ngadto sa 65% ning kasamtangang bulan ug kang Bise Presidente Sara Duterte gikan sa 84% niadtong Hulyo ngadto na sa 73% karon.

RadyoMan Ivy Parido