Sa interview sa RMN Malaybalay ngadto kang Atty. Arbie S. Lleses, Bukidnon IPMR, gibutyag niya nga sayang kuno nga kadaghanan sa populasyon sa probinsya gilangkuban sa mga lumad apan dili mahatagan og igong bili tungod kay katag-katag ang mga prinsipyo niini.
Maong gikinahanglan matud pa nga maorganisa ang political party sa mga lumad isip usa sa mga programa nga iyang ginatutukan aron nga mapadali ang paghatag og mga pondo alang sa mga Indigenous Peoples ning probinsya.
Dugang pa nga oras nga maorganisa kini, dili na matud pa magamit sa uban pang agenda tungod sa political party diin ang mga tinguha sa mga lumad maoy matuman.
Ang pag-organisa matud pa sa Political Party sa mga lumad ni Atty. Lleses usa sa duha ka priority programs niini isip bag-ong Bukidnon IPMR.
Gikasayran nga gawas sa pag-organisa sa Political party, tumong ni Atty. Lleses nga matukod ang legal center alang sa mga IPs.
