TACLOBAN CITY – Gin-akusahan ni Eastern Samar Mayoral candidate Annaliz Gonzales-Kwan an ira kontra hin harrassment tungod han pagbalandra han usa nga mini truck ha public plaza kun diin magdudumara unta hira Kwan hin political rally.
“Waray pa ha history han Guiuan nga nasugad hini an event. I’ve been in the politics since 2001, ngan first ini nasugad.”
Sumala kan Kwan, magpapasaka hiya hin kaso kontra han iya kontra nga hi acting Mayor Susana Lourdes Gaylon ngan pira nga tawo nga nagpapaluyo hini nga gin-aaligar “desperate move.”
Nananawagan gihapon hi Kwan kan Acting Election Officer Eva Dela Cruz nga mag dig-on han iya desisyon.
“Nalilipong it mga tawo, diri ka natindog hit imo desisyon” Siring ni Kwan ngadto kan Dela Cruz.
“Diri ini asya an leadership nga aton gusto. Karuyag naton hin mahimyang, kalma ngan waray samok. Pangamuyo kita nga marealize ini nira ngan diri hira maghimo hin illegal.”
Dida han Mayo 4, nagdesisyon hi Eastern Samar Provincial Election Officer Atty. Karen Cajipo nga tugutan an apila han Annaliz team, upod an Nacionalista Party ngan N NP-Congressional Team ni Christopher Sheen Gonzales, nga magdumara hin political rallies ha May 6, 10 ngan 11.
Sumala kan election officer Dela Cruz, nakakuha hin permiso an Annaliz Team nga magdumara hin rally.
Pero dugang niya nga nag issue hi Acting Mayor Gaylon hin memorandum dida han April 5 nga igindidiri an pagdumara hin public rally o meeting pero gin aaligar nga waray ini ha balaud han Comelec Resolution No. 10488.
