Davao City – Gikumpirma sa Armed Forces of the Philippines (AFP) nga aduna na silay listahan sa giingong mga politiko nga konektado sa New People’s Army (NPA).
Apan butyag ni AFP spokesperson Brig. Gen. Edgard Arevalo nga dili nila kini mapublikar sanglit kinahanglan pa nila i-validate kung suportado ba gihapon sa maong mga politiko ang komunistang grupo.
Gani gipahimangnoan niini ang maong mga politiko nga nagadawat og suporta gikan sa NPA ilabi na ang ‘permit to campaign’ alang sa ilang kampanya gumikan makunsidera kini nga usa ka bayolasyon sa balaud.
Dugang sa maong opisyal nga ginapangpalit og armas, ammunition ug uban pang gamit isip procurement ang makolektang kwarta sa politico batok sa gobyerno.
Samtang tak-om pa ang baba ni Arevalo kung ipabuhagay ang maong listahan una pa man ang mid term elections karong Mayo 13.
RadyoMaN Jason Amisola
