POLITIKA | Mambusao Mayor Leodegario Labao Jr, indi na magpapili sa pagkagobernador sa nagahilapit nga 2019 election?

Mambusao, Capiz – Indi na magpapili bilang gobernador si Mambusao Mayor Leodegario “Jun” Labao Jr, ini mismo ang ginkumpirmar sang nasambit nga alkalde. Suno diri nga magapabilin ini bilang alkalde sang Mambusao. Ginpahayag man ni Labao nga kumpleto na ang iya linyada para sa nagahilapit ng 2019 National and Local Elections.
Sa madumduman nga una na nga ginpahayag sang alkalde ang iya intensyon nga magpapili sa pagkagobernador, apang nagbaylo ini bangud nagasunod gid lamang ini sa luyag nga matabo ni Capiz 2nd District Congressman Fredenil Castro.
Gin-ako man ni Labao nga posible may mga pagbag-o sa dalagan sang pulitika samtang nagahilapit ang filing sang certificate of candidacy sa maabot nga bulan sang Oktubre.

Facebook Comments