Makabaton sang kabug-usan nga P20 million ang Polomolok para sa 23 ka mga barangay sang banwa agud nga gamiton sang mga ini sa COVID-19 response projects kapareho sang building temporary isolation center, implementasyon sang cash for work program, information education advocacy, procurement of medical supplies, livelihood para sa economic recovery kag iban pa.
Ang mga barangay units ang mag-identify sang ila kaugalingon nga proyekto depende sa kinahanglanon nga ang pondo ang halin sa Kapit-Bisig Laban sa Kahirapan- Comprehensive and Integrated Delivery of Social Services (KALAHI-CIDSS).
Ginpangunahan mismo ni DSWD 12 Regional Director Resty B. Macuto ang pagpirma sang commitment upod ang mga opisyal sang banwa.
Ginpahayag ni RD Macuto kadungan sang ginpatigayon nga orientation nga kinahanglan suno pa ang kolaborasyon sang mga Barangay kag DSWD agud mangin madinalag-on ang programa.
Samtang magadugang naman ang LGU Polomolok sang P5 million bilang counterpart sa programa.
