Polomolok PNP blangko pa sa pagpatay sa empleyado sa Water District

General Santos City—Blangko pa ang Polomolok PNP sa pagpamusil patay sa biktimang si Elmer Escuadra, draftsman sa Polomolok Water District ug residenti sa dakbayan sa Gensan kansa una nang gipusil sa wala mailhing suspek alas 8:00 pasado ang takna kagahapong adlawa.

Sumala ni Police Chief Inspector Aldren Gonzales, hepe sa Polomolok PNP nga sa kasamtangan wala pa silay natumbok nga motibo sa pagpatay sa nasangpit.

Sa karon padayon pa sa pag imbistigar ang iyang mga sakop sa pamasin nga dunay makuhang lead sa pagpatay sa nahisgutang biktima.


Nasayran nga una nang gisundan sa suspek nga nakamotorsiko ang biktima ug pag abot sa National Highway sa Silway 8, Polomolok, gipusil ang nahisgutan nga hinungdan sa iyang kamatayon.

Facebook Comments