Polomolok South Cotabato – Aduna nay Person of Interest ang Polomolok Municipal Police Station may kalabutan sa pagpusil -patay sa usa ka konsehal sa Barangay Lumakil, Polomolok South Cotabato ug sa asawa niini niadtong nakalabayng adlaw.
Una nang gipusil patay ang biktimang si Kagawad Dima Macaludos, 47 anyos, samtang damay usab ang asawa niini kansa nakangkon ug samad ug nagpabilin pa karon sa ospital.
Nasayran nga alas 6:00 kagabii nahitabo ang maong krimen sa may Prk. Maguindanao sa maong barangay.
Sumala ni Police Supt. Samuel Cadungon, ang hepe sa Polomolok Municipal Police Station nga aduna na silay gisundan nga suspek sa krimen apan dili una nila kini ibutyag gumikan pabilin pa kining gawasnon. Samtang ila pang ginahuwat nga makahatag sa iyang statement ang testigo sa pagpamusil sa biktima.
