General Santos City— Padayon pa ang ginahimong imbestigasyon sa kapulisan sa Polomolok kabahin sa nahitabong pagpamusil sa kang Spo1 Lope Prado.
Sumala kang Police Chief Inspector Aldrin Gonzales, hepe sa Polomolok Municipal Police Station nga sa karon, ilaha pang ginasuta kung unsa ang motibo sa maong pagpamusil ingon man ang ilahang sa suspek.
Kung asa gibutyag niini nga dili pa niya mamahimong mabutyag ang motibo ug anggulo nga ilahang ginatutukan gumikan, ilaha pa kining gina-imbestigahan.
Basi sa imbestigasyon, mukabat sa upat ka mga samad pinusilan ang naangkon ni SPO1 Prado ug swerteng wala mapuruhan.
Sa kasamtangan, luwas na sa makuyaw nga kahimtang ang nasangpit nga pulis ug nagpaalim nalang sa mga samad niini sa pribadong balay tambalanan dinhi sa dakbayan sa GenSan.
