Polomolok, South Cotabato–Gipalawoman pa sa Polomolok PNP ang ilang imbestigasyon kalabutan sa pagpusil patay sa usa ka tricycle driver nga si Akmad Mamadra Pasagui, nanimuyo sa Brgy. Rubber Polomolok South Cotabato kansa una ng gipusil patay sa riding in tandem criminals ala 1:45 sa hapon sa Brgy. Magsaysay sa maong munisipyo.
Pagbutayag ni Police Captain Rommel Hitalia, Deputy Station Commander sa Polomolok MPS nga basi sa pamahayag sa nakakita sa panghitabo nakasakay ug XRM nga motorsiklo ang mga suspek nga kalit lang mibutho sa lugar diretso pusil sa biktima samtang nag-paayo kini sa iyang tricycle sa vulcanizing shop nga miresulta sa iyang kamatayon.
Matud pa ni Hitalia nga Calibre.45 nga pistola ang gigamit sa mga kreminal nga paspas misibat palayo sa lugar human sa krimen.
Gitin-aw usab sa opisyal nga makig-alayon sila ngadto sa pamilya aron masuta kung duna ba kini nakalaban o bahad sa kinabuhi ayha pa gipatay gumikan kay wala kini record sa ilang buhatan.
Gimanduan usab niini ang mga Brgy.Kapitan nga pakusgan pa ang pagbantay sa ilang mga lugar aron dili makalusot ang mga kreminal tungod kay ang kapulisan gihimo na ang tanan apan dili lang gyud nila mabantayan ang tanang lugar gumikan kulang usab ang ilahang pwersa.(RV)
