Roxas City, Capiz – Bukas ang “Poluy-an sang Pagpalangga” ukon Crisis Center sa Barangay Inzo nga magbaton sa mga grupo ukon indibidwal nga magapatigayon sang gift giving sa mga displaced nga mga persona sa nasambitan nga crisis center.
Ginpahayag ni Mrs. Lorelie Sueno nga subong nga adlaw may yara sang igapatigayon nga Christmas party para sa mga kabataan nga nagatener subong sa crisis center.
Samtang iya man nga ginpasalamatan ang tagdumalahan sang city government sa bug-os nga suporta nga ginahatag agud nga matatap ang mga persona nga nagakinahanglan sang bulig.
Nahibaloan nga sa subong nga 2018, naglab-ot sa kabug-osan nga 520 tanan ka mga persona ang nabuligan sang crisis center kalakip na ang mga gin-abuso nga mga kababainhan kag ang mga ginatawag nga “childrens in conflict with the law”.
