TALISAY CITY – (Updated) Masobra sa napulo ka lupok ang nabati-an sang mga residente sang Hacienda Nilo, Barangay Matab-ang, syudad sang Talisay, pasado alas-10:40 kagab-e sang gin-ambush ang salakyan sang negosyante nga si Francis Rey Cabuga.
Natabu ang insidente sa Bacolod-Silay Access Road sa Barangay Matab-ang apang wala naman sang may nakakita sang insidente bangud nga gab-e na kag guba pa ang mga street lights sa amo nga area.
Sa interview sang dyHB sa tag-iya sang tyangge ang amo naman ang pinakamalamit nga balay, sa lugar sang insidente nga nakabati sila sang lupok sang armas kag ila man nabati-an nga nag-preno ang salakyan sa diin nakabunggo na ini sa gutter.
Ang salakyan ni Cabuga ang isa ka Porshe nga silver sa diin may igo sang masobra napulo ka bala sang M16 armalite kag .9mm sa diin punterya gid diri amo ang passenger’s side.
Ang mga sakay sang insidente amo sanday Atty. Erfe Del Castillo kag sang iya driver bodyguard nga si Efren Palmares.
Si Del Castillo ang abogada ni Mr. Cabuga sa away mag-asawa ilabi na ang pagtake-over sang Metro Inn Hotel nga nagtuga naman sang stand-off sang Nobyembre 19.
Igo sa iya tuo nga baga si Del Castillo samtang bangod sa patal nga pilas sa iya lawas, ginreport nga nagtaliwan naman si Palmares nga anay katapo sang Philippine National Police samtang ara ginabulong sa Riverside Medical Center.
Sa interview sang programa nga Straight to the Point kay PO3 Edmund Jomocan, imbestigador sang Talisay PNP, ginahulat pa nila ang report sang SOCO sa hitabo.
Posibli indi magnubo sa duha ka tawo ang naghimo sang kremin bangod man sa mga recoveries nga baseyo. Posibli may kontak ini samtang nagahulat ang gunmen sa highway.
