Pondo/PADAC South Cotabato budget subong nga tuig pagadugangan, magalab-ot na sa P14 million.

Magalab-ot na sa P14 million ang pondo nga gin-alokar sang provincial government sang South Cotabato para sa Provincial Anti-Drug Abuse Council (PADAC) subong nga tuig.
Ini matapos suno kay South Cotabato Board Member Agustin Demaala, representative of the governor sa PADAC nga sa P6 million nga aprobado sa 2018 annual budget, nagdugang pa si Governor Daisy Avance Fuentes sang P2 million nga halin sa iya nga pondo kag dugang pa nga P6 million nga nalakip sa proposed supplemental budget number 1 subong nga tuig sang probinsya.
Samtang, magakadto naman ang P14 million nga pondo subong nga tuig sa mga nagkalain-lain nga programa kag aktibidad sang PADAC, PNP, Dep. Ed. PDEA , DILG, kag iban pa nga partner agencies.
May-angot sini, suno kay Board Member Demaala kon sadto nga P2 million lang ang pondo nila sa PADAC madamo na sila sang nahimo sa kampanya kontra droga sa probinsya amo nga kampanti siya nga madamo pa sila sang mahimo agud nga matapna ang illegal drug activities sa South Cotabato.