Kinahanglan nga sa masunod nga supplemental budget sang provincial government sang South Cotabato subong nga tuig mapasulod na ang pondo para sa retirement benefits sang mga barangay health workers kag dugang nga honorarium sa mga ini.
May-angot sini, suno kay South Cotabato Board Member Ellen Grace Subere Albios, Chairperson sang Committee on Health sang Sangguniang Panlalawigan iya nga ipresentar sa magpungko nga gobernador kon paano mapondohan matapos nga wala ini nalakip sa supplemental budget number 1 sa subong.
Suno sa opisyal nagakinahanglan sang P20 million nga pondo para mapatuman ang dugang nga honorarium sa mga BHW kag retirement benefits sang mga ini sa tion nga magdesisyon nga magaretiro na.
Nahibaluan nga makabaton na sang P400 nga monthly honorarium ang mga BHW kag ang magretiro ang makabaton sang P10k -15k nga insentibo.
