Mas midako karon ang pondo nga gihatag sa provincial government sa Misamis Oriental ngadto sa Provincial Social Welfare and Development kon PSWD.
Nasayran nga mikabat sa 63 milyones pesos ang pondong gigahin sa PSWD karong tuiga kumpara sa 52 milyones pesos nga pondo sa milabay’ng tuig.
Sa pahayag ni Mr. Junleymor Abella, ang head sa PSWD nga padayong mihatag ang ilang buhatan sa nagkadaiyang tabang sama sa blood assistance, calamity, medical, financial, transportation ug uban pa.
Gipasabot pa niini nga ang tabang nga ilang mahatag magdepende sa gidak-on sa pondo sa buhatan.
Usa sa ilang ginahatagan sa pondo mao ang Persons with disability kinsa nagpahigayon sa ilang aktibidades matag tuig lakip na ang mga senior citizens.
Samtang, matag tuig usab ginahimo ang Misamis Oriental Federation of Senior Citizens Association of the Philippines, kini usa ka convention ug assembly alang sa mga katigulangan sa lalawigan.
