Gipadayon sa Population Commission kon POPCOM Region 10 ang programa nga pangontra sa nagkadaghang ihap karon sa teenage pregnancy sa rehiyon.
Sa interview sa RMN Malaybalay ngadto kang POPCOM 10 Regional Director Jeremias Gupit, gibutyag niini nga gitawag nila ang mao nga programa nga adolescence sexuality and reproductive health classes nga gipahigayon sa mga lungosd ug siyudad nga gisuta sa PopCom.
Ikatulo ka tuig na kini karon nilang gihimo kaabaga sa Department of Health ug Department of Education kon DEPED.
Target sa ilang klase nga ipahigayon ang mga 3rd year ug 4th year high school diin tumong niini nga makalikay sa mga sexually transmitted infection kon HIV-Aids ug teenage pregnancy.
Apan ang problema lamang daw tungod kay ulahi na ang target nga nga lebel sa mga estudyante diin gihangyo sila sa mga magtutudlo nga ayha 3rd ug 4th year high school student, paubsan kini ngadto sa 1st ug 2nd year high school tungod kay ang pipila niini expose na sa early sexual encounter sa maong bata pa kaayong edad, butang nakapakugang sa Popcom.
