EXTRA WOW BALITA – Nagakinahanglan subong sang dugang nga populasyon ang pungsod Denmark.
Ini bangud tuman na gid lamang ka diutay sang mga pumuluyo sang nasambit nga pungsod bangud sa mahinay nga growth rate sang ila mga pumuluyo.
Sa pagkamatuod, mas mataas pa ang populasyon sang baboy sa Denmark ikumparar sa mga tawo.
Suno sa European Statistical Agency nga Eurostat, nagaguwa nga sa 215 ka mga baboy, may katumbas ini nga 100 lamang ka tawo sa Denmark.
Bangud sini, gina-engganyo sang gobyerno sang Denmark ang ila mga pumuluyo nga damuon ang kabataan antis pa lubos nga magnubo ang ila populasyon.
Ang sitwasyon sa Denmark baliskad sa sitwasyon sa kapungsuran sa mga pungsod sa Asya nga tuman ka damu sang populasyon nga halos nagaginutok na kag indi matatapan sang ila tagsa ka gobyerno.
