Porsao ba?

UN 23 AÑOS DE EDAD CONSTRUCTION WORKER NA CALABOSO AHORA DESPUES LE YA METE CONSU 16 AÑOS DE EDAD NOBYA NA SAN ISIDRO STREET NA MERCEDES DEL DOMINGO POR LA TARDE.
EL MAYORES DEL MOJER YA HACE EL FORMAL RECLAMO DE STATUTORY RAPE CONTRA CON EL HOMBRE SI KENNET, HINDE COMPLETO SU NOMBRE Y ESPERANZAO ESTE DIA AY MAN INQUEST NA FISCALIA CON EL PERSONA.
HACEGUN CON EL HOMBRE, YA LLAMA LE CONSU NOBYA PORMEDIO DE CELLPHONE Y YA MANDA ANDA NA SU CASA NA MERCEDES DESDE NA PAMINGITAN, BOLONG.
SERCA MAN ALAS TRES DEL TARDE CUANDO YA LLEGA EL MOHER NA CASA DEL HOMBRE Y AQUEL TIEMPO TALYA SU MAYORES Y OTRO MAGA PARIENTES.
YA LLEVA SI KENNET CONSU NOBYA NA SU PUSENTO Y ALYA HACEGUN TIENE CANILA COSA YA PASA POR DOS BESES.
BANDA ALAS 4 DEL TARDE YA HACE HATUD SI KENNET CONSU NOBYA PARA NA HIGHWAY Y YA MANDA MUNTA VAN PARA BOLBE.
PERO CUANDO YA ABAHA EL MOHER NA VAN NA PAMINGITAN, YA DESMA ESTE PORCAUSA TA SANGRINTIA SU PARTE.
YA LLEVA DAYUN CONELE NA HOSPITAL SU MAYORES Y DAYUN YA PONE NA INTENSIVE CARE UNIT Y DESPUES YA REPORTA EL SOSESO NA SANGALI POLICE STATION.
MASQUIN AFUERA MAN DEL AREA OF RESPONSIBILITY DEL SANGALI POLICE STATION EL SOSESO, MAGA PULIS YA LANG DEL MENCIONAO LUGAR YA RESPONDE Y YA ANDA ARESTA CON KENNET.
SI KENNET YA ADMITI QUE PORSAO LE YA PIDI USA CON EL MOHER MIENTRAS ADENTRO SILA DEL PUSENTO.
MIENTRASTANTO, EL MAYORES DI KENNET TA PIDI CON EL MAYORES DEL MOJER PARA AREGLA YA LANG EL ASUNTO.