Gin-seal off ang porsyon sang tatlo ka mga purok sa Barangay Taculing, ciudad sang Bacolod.
Ini matapos nga maka-record sang local transmission sang COVID-19 sa lugar.
Suno kay Punong Barangay Lady Gles Gonzales Pallen, lakip sa mga gin-seal off amo ang Purok Kabukiran, Purok Lirio kag Purok Masagana.
Dugang pa sini nga nakalab-ot sa iya igtalupangod ang impormasyon halin sa Bacolod City Health Office angut sa mga nagpositibo sa coronavirus disease 2019 sa mga nasambit nga purok.
Sabat naman sang barangay ang pagkaon sang mga apektado nga residente. (Punong Barangay Lady Gles Gonzales Pallen photo)
Facebook Comments
