General Santos City— Mas gipakusgan karon sa Joint Task Force Gensan ang pagbantay sa checkpoint ingon man ang intelligence monitoring sulod sa dakbayan human ang natigayong car bomb sa Basilan.
Sumala kang Col. Adonis Bajao, labaw sa Joint Task Force Gensan nga ilahang ginahimo ang tanang uban ang tanang ahensya sa gobyerno.
Pag-angkon niya nga dili gyud maka-andan ug sakto ang otoridad sa dakbayan kung aduna gyu’y intenysyon ang mga terorista sama sa ilahang gihimo sa basilan nga migamit ug suicide bomber.
Dugang pamahayag ni Col. Bajao nga sa karon, nagpabilin gihapon sa alert level 3 ang Gensan pasabot nga andam kanunay sa unsa mang poibleng mahitabo.
Saysay niini nga sagad sa mga madakpan nga buot maghimo ug kagubot sa syudad ang gikan sa gagawas dakbayan sama sa lanao o northern mindanao.
Sa karon, wala matud pa silay namonitor nga mga kaubanan sa Maute-Isis nga nahibilin sa dakbayan apan hugot nilang ginatutukan ang posibleng pagbisita ni Abu Dar gumikan sa iyahang mga anak nga anaa sa kustudiya sa CSWDO. (Lore Romualdo)
