General Santos City— Wala pay direktiba si Police Chief Superitendent Eliseo Rasco, Regional Director sa Police Regional Office 12 nga magpahigayon ug balasahan sa mga opisyal sa kapulisan sa rehiyon.
Sumala kang Police Superintendent Aldrin Gonzales, tigpamaba sa PRO12 nga sa karon, ilaha pang ginahulat ang desisyon sa labaw sa PRO12.
Kung asa basi matud pa sa naunang pamahayag niini, iyaha unang obserbahan ang performance sa mga opsyal ug higayon nga adunay wala nagatrabaho ug sakto dili kini magduha-duha nga hulipan sa pwesto.
Dugang pamahayag ni supt. Gonzales nga sa karon, labing ginatutukan gihapon ni PCSUPT. Rasco ang kampanya batok illegal nga droga.
Lakip mayud pa niini ang kampanya batok terorismo, illegal nga sugal ingon man ang internal cleansing aron nga masigurong walay pulis sa rehiyon nga mahilambigit sa managlahing krimen.
