General Santos City— Gikalipay ni Gensan City Mayor Ronnel Rivera ang pagkasikop sa usa sa mga suspek gumikan posibleng muresulta usab kini sa pagkasikop sa mga kaubanan pa sa nahisgutan.
Sumala sa mayor nga ang pagkasikop kang Jeffrey Alonzo ang sinugdaan pa lang sa imbestigasyon nga himuon hilabina nga daghang anggulo ang ginatutukan karon sa kapulisan.
Samtang gibutyag niini nga magpahigayon pa ug laing Peace And Order Council Meeting ang kapulisan ug kasundaluhan aron masayran kung kinahanglan nga muhatag ug reward money alang sa makatudlo sa mga kaubanan ni Alonzo.
Dugang pamahayag ni Mayor Rivera nga sa pagkasikop kang Alonzo, nagtibanganay matud pa ang tanang ahensya sa gobyerno lakip na ang Intelligence Community.
Kung asa ilaha matud pang gipangayo ang tabang sa tanang ahensya nga posibelng makatabang sa pagkasikop sa mga suspek bisan na ang mga ahensya nga walay mandato nga batukan ang terorismo.
