Davao City – Naglaum ang Department of Education (DepEd) nga mamahimong positibo ang resulta sa ilang gipahigayon nga early registration alang sa mga incoming Kindergarten, Grades 1, 7 and 11 learners sa tanang pampublikong eskwelahan.
Sa pakighinabi sa DXDC RMN Davao kang Jenielito “Dodong” Atillo, spokesperson sa DepEd-XI, nanghinaut kini nga makatabang ang resulta sa maong programa sa pagtubag sa panginahanglan sa nahisgutang mga estudyante.
“This will really help us in trying to respond to the potential concerns of our schools for school year 2019-2020. I am talking about the potential concerns of teachers, classrooms, textbooks, and all other things like facilities, mga lingkuranan ug daghanan pang uban.”
Giklaro ni Atillo nga lahi ang early registration sa enrollment tungod kay nagtumong lamang kini sa pagsuta sa status sa mga estudyante ayha ang pagsugod sa klase ingon man ang ilang pagnginahanglan.
Sa karon, sugdan na usab ang pagkolekta sa sa DepEd-XI sa datus gikan sa uban pang DepEd School’s Division Offices sa rehiyon aron ma-assess ang kinatibuk-ang resulta ug mga angay pangandaman niini.
Kahinumduman nga gisugdan ang early registration karon nga tuig niadtong Enero 26, 2019 ug kini mahuman karong adlawa, Pebrero 22, 2019.
RadyoMaN Kirby Manzon
