Dumarao, Capiz – Kapin sa 6,000 ka mga manok ang ginkuha sang 20 ka wala makilala nga mga kalalakihan sa isa ka poultry farm sa Sitio Magalan, Barangay Sagrada Familia, Dumarao, Capiz kaina sang kaagahon.
Ginsulod sang mga suspek ang poultry farm kag gingapos ang kamot kag tiil sang bantay nga ginkilala kay Jay-Ar Detorio, 25-anyos ang edad. Wala na nakapanginpadlos ang bantay, rasun nga wala na ini nakapugong sa luyag nga pagpangawat sang mga suspek.
Ginabulubanta nga nagabalor sang P700,000 ang mga ginpangkuha nga mga manok. Ba-se sa imbestigasyon ang Dumarao PNP, nagakatulog pa sa iya kwarto si Detorio sa nasambit nga poultry farm sang ginpukaw ini sang duha ka mga lalaki nga nakatabon ang mga guya kag gintutukan ini sang armas luthang.
Nahibaluan nga ginkarga sang mga suspek sa duha ka mga trak ang ginpangkuha nga mga manok kag madasig nga nagpalagyo sa wala nahibaluan nga direksyon. Gintalana na kun tani sang tag-iya ang pagharvest sang iya nga mga manok, apang naunahan ini sang mga suspek.
Photo from web
