Davao City-Mas gipahugtan pa karon sa Southern Mindanao Agri Resources Trading Incorporated ang Bio-Security sa mga poultryhan sa rehiyon onse tungod sa seryosong hulga dala sa Bird Flu nga miigo sa Pangasinan.
Kahinumduman, nasinati karon sa Pangasinan ang bird flu outbreak nga nagresulta sa pagkamatay sa liboang manok Pangasinan nga misangko sa pagkuwang sa suplay sa Luzon area.
Gipasalig ni Eduardo So, Pangulo sa Mindanao Agri Resources nga wala pa maapektohi ang poultry industry sa Davao Region apan dili sila buot magkumpiyansa sa hulga sa bird flu.
Gikumpirma ni So nga nakigpulong na sa makaduha ka higayon si Department of Agriculture Secretary Manny Piñol kanila aron pangayoon ang ayuda sa pagsuplay og manok sa Luzon area.
Matud niini, misaka na sab og pila ka porsento ang ilang market karon gumikan sa paglubo sa demand sa Luzon area tungod sa hinanaling pagpatay sa 400 mil ka manok nga naigo sa bird flu niaging semana.
Kasamang Joel Viray
