Naghatag ug tips kon giya ang Parish Pastoral Council for Responsible Voting kon PPCRV sa publiko sa pagpili sa mga maayong opisyal karong nagsingabot na ang barangay ug Sanguniang Kabataan kon SK eleksiyon.
Sa interview sa RMN Malaybalay ngadto kang Henrieta de Villa, ang co-founder sa PPCRV gibutyag niini nga kinahanglan mahinumdoman sa mga bontante sa pagpili sa mga opisyal sa barangay kung kinsa ang ilang nailhan nga maayo, masaligan, maka-diyos, makabayan, kabalong mutan-aw sa mga kabus.
Matud niini nga kinahanglan nga makita sa usa ka botante ngadto sa mga kandidato ang tulo ka K nga mao ang Kaalaman, Katangian ug Katapatan.
Kinahanglan usab nga pilion kadtong mga dili bakakon tungod kay mao kini ang tinubdan sa pagkakawatan.
Dili usab angayang pilion ang mga kandidato nga naglambigit sa illegal nga droga.
Matud ni de Villa nga adunay mga taho nga adunay mga opisyal sa barangay nga nalambigit sa illegal nga droga maong dili kini angayang botaran.
