Bukas na ang Provincial Government sang South Cotabato paagi sa Provincial Planning and Development Office sa pagbaton sang aplikasyon kag proseso sang PSA Authenticated copy sang birth, marriage, death certificate kag Certification of No Record of Marriage (CENOMAR) sa Philippine Statistics Authority (PSA) sa General Santos City.
Magadugay naman tubtob sa Oktubre 31 subong nga tuig ang pagbaton sang aplikasyon sang PPDO kabahin sang selebrasyon sang National Statistics Month subong nga Oktubre.
May-angot sini, ginaawhag ni Eleazar Abellera sang PDDO South Cotabato ang mga pumuluyo sang probinsya nga interesado sa pagkuha sang mga nasambit nga dokumento nga magdala lang sang isa ka valid I.D. Card (kapareho sang school I.D., employee’s I.D., driver’s license, senior citizen’s I.D., SSS/GSIS kag processing fee nga P205.00 kada kopya sang birth, marriage, death certificate kag P260.00 naman sa kada kopya sang CENOMAR.
Sarang naman suno pa nga makuha sang isa tubtob duha ka semana ang nasambit nga mga dokumento sa ila nga opisina.
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
