PPOC ug PADAC joint 4th regular quarter meeting gipahigayon

47

Malampusong gipahigayon ang Joint 4th Regular Quarter Meeting sa Provincial Peace and Order Council (PPOC) ug Provincial Anti-Drug Abuse Council (PDAC) nga gipahigayon didto sa Kaamulan Folk Arts Theater, Kaamulan Park, Capitol Compound, Malaybalay City, Bukidnon.

Ang maong panagtigum gipangunahan sa Department of Interior and Local Government (DILG) sa pagpanguna ni Provincial Director Carmelo Enrique B. Libot.


Sa maong meeting, gipresenta ni PPDO Engr. Mangubat ang Revised Peace and Order Public Safety Plan (POPSP) 2020-2022. Gibutyag niini nga ang upat ka pokus sa POPS plan mao ang Crime and Disorder ug Conflict ubos sa Peace and Order ug Road and Vehicle Safety ug Emergency/Crisis Management and Fire Safety ubos sa Public Safety. Sa kasamtangang tuig 2020, mikabat ngadto sa ₱35,000,000.00 ang gitagana nga budget niini samtang parehong ₱37,209,613.33 sa tuig 2021 ug tuig 2022.

Lakip nga target ug tumong niini nga maminusan ang illegal drug pushers, users, tigbaligya ug tiggama, 45% nga ma-rehab ang mga drug personalities sa tuig 2022, maminusan ang murder cases sa 30%, maminusan ang mga krimen ngadto sa 60% sa tuig 2022, 90% ang total nga maaresto nga mga wanted persons ug 90% ang total nga maaresto nga illegal gambling personalities sa tuig 2022, mosaka sa 30% ang makumpiska nga surrendered loose firearms sa tuig 2022, 20% ang total nga mapasaka nga kaso ngadto sa mga NPA ug terroristang kalihukan ug kabangis, mapromotar ang End Local Communist Armed Conflict (ELCAC), malimpyo ang mga kumyunidad batok sa mga komunistang grupo sa CPP-NPA-NDF, maresolba ang mga isyu sa land conflict, mapahunong ang pagpang-recruit sa mga kabatan-onan, out of school youth ug mga studyante sa CPP-NPA-NDF, mapahunong ang pagpangilkil nga mga kalihukan, malikay sa pagpangatake ngadto sa mga sibilyan ug sa ilang mga kabtangan batok sa komunistang grupo ug respituhon ang International Humanitarian Law, matabangan pinaagi sa mga programa ug rehabilitasyon ang mga kanhi membro sa komunistang grupo, maminusan sa 30% sa road/vehicular accident, fire incidents, dengue cases, Schistosomiasis sa tuig 2022 ug malikayan ang pagsulod sa Infectious and Contiguous Animal Diseases pareho sa African Swine Fever, Avian Influenza ug Cholera.

Facebook Comments