Pagadian City – Magsilbi nga citizen’s arm sa Commission on Elections (COMELEC) alang sa Barangay at Sangguniang Kabataan Elections karung lunes ang Parish Pastoral Council for Responsible Voting (PPCRV).
Kini ang gibutyag ni Elizabeth Monteza ang PPCRV Provincial Chairman sa Zamboanga del Sur sa interview sa RMN Pagadian nga kauban sila sa Comelec isip watchdog nga mamahimong citizens’ arm sa maong komisyon alang sa kredibilidad sa nagsingabot nga piniliay.
Gidugang pa ni Monteza nga ang diocese sa pagadian adunay 24 ka parokya diin sa matag lugar adunay mga nadestino nga PPCRV Volunteers aron maniid sa dagan sa eleksyon.
Nanghinaot ang PPCRV nga makab-ot sa probinsya ang Clean, Honest, Accurate, Meaningful and Peaceful Election.
Aminado si Monteza nga nibati og kahadlok ang pipila ka volunteer sa PPCRV gumikan sa nahitabo niadtong 2016 nga piniliay diin dunay usa ka volunteer ang gipatay sa lungsod sa Dinas.
