Nagtagbu ang grupo sa transportasyon sa Caraga region aron subling ipasibaw ang ilang hangyu ug panawagan ngadto sa Department of Transportation (DOTr) Caraga nga ihatag na ang ilang gi-applayan nga prangkisa aron makapadayun sila sa pagpamasada isip ilang nag-unang panginabuhian. Kini ang sintiminto sa mga sakop sa Butuan City Intra Transport Cooperative human ang padayung pagpangdakop karon sa taga LTO batok sa mga kolorom nga Van ug multicab de pasaheroan. Sakit alang kanila nga tawago’ng mga kolorom tungod kay gusto gyud nila nga makabatun ug legal nga prangkisa apan mismo ang taga LTFRB ang nagdumili paghatag ingun man insakto usab sila ug bayad sa buhis ngadto sa BIR. Nanghinaot ang grupo nga unta madungug ni Pang. Rodrigo Duterte ang ilang singgit aron matagaan ug hustisya ang ilang gidangatan ilabina nga nahimu lang sila’ng biktima sa tinonto sa pagkuha ug prangkisa sa LTFRB human gipangayoan ug dili moubos sa 45 mil pesos apan hangtud karon walay nigawas nga prangkisa. Lakip sa gisinggit sa transport sector sa Caraga ang pagsuporta sa modernisasyon nga programa sa goberno ug ang pag-endorso ni DOTr Asec. Abdul Fatah Gumaos nga maoy matudlong Regional Director dinhi sa rehiyon sa Caraga.
Sent from my Samsung Galaxy smartphone.
