General Santos City— Usa ka prayer rally ang ipahigayon karong adlawa sa mga kabanay ni John Rafael Eco alias Jan-Jan, kansa napusilan patay sa mga personahe sa City Drug Enforcement Unit (CDEU) atol sa ilang gihimong drug operation sa Barangay Lagao, Gensan pipila na ka simana na ang nakalabay.
Sumala ni South Kapitan Alvin Veneracion, alas 5:00 ang takna karong hapon sugdan ang prayer rally sa Plaza Heneral Santos nga pangunahan ni South Barangay Kagawad Eco, amahan ni Janjan Eco ug uban pang miyembro sa ilang pamilya.
Atol sa prayer rally aduna usay gamayng programa nga ipahigayon diin ipasibaw sa pamilya ang kahiubos ngadto sa kapulisan mipatay sa nasangpit nga batan-on.
Una nang gihingusgan sa pamilyang Eco nga wala nalambigit sa Illegal Drug Activity si Jan-jan Eco sukahi sa una nang gihingusgan sa CDEU nga kini nagapamaligya ug shabu.
Kahinumduman nga gipahigayunan ug buybust operation si Jan-jan Eco nga miresulta sa kamatayon niini human matud pa nga misuway ug sukol sa kapulisan.
