Gi-usa usa sa bag-ong provincial director sa Bukidnon Police Provincial Office ang iyang mga nag-unang prayoridad sa iyang pangatungdanan.
Sa interview sa RMN Malaybalay ngadto kang PNP Bukidnon Provincial Director Police Colonel Roel Lami-ing, gibutyag niini nga apil sa iyang tutukan ang standing order gikan sa ilang kadagkuan sa hanay sa PNP nga mao ang pagsumpo sa illegal nga droga, pakigbatok sa kriminalidad ug pagpahugot sa kampanya batok sa kurapsyon sa sulod organisasyon.
Dugang ni Col. Lami-ing nga iyang pakusgan usab ang internal security operations kon ISO kaabag ang kasundaluhan sa 403rd infantry Brigade.
Sigun niya nga dakong papel usab ang gihuptan sa kapulisan sa national task force to end local armed conflict.
Facebook Comments
