Davao City – Nagapahigayon karon og mobile service ang Professional Regulation Commission kun PRC sa usa ka mall nga nahimutang sa may Tagum City.
Sa gipagulang advisory sa PRC, July 11-14 ug July 16-20 ang ilang schedule sa mobile service sa usa ka mall nga nahimutang sa National Highway, Tagum City.
Matud pa nga ang maong serbisyo alang ngadto sa mga transakyson sama sa filing sa application sa licensure examinations, renewal sa PRC IDs, authentication sa PRC IDs ug board certificate.
Alang sa mga aplikante sa licensure examinations, mamahimong i-encode una ang personal data pinaagi sa personal website sa application1.prc.gov.ph diin inig human og encode, mamahimo ng muadto sa nasangpit nga mall sa pagsumite ug pagproseso sa application, bayad ug pag isyu sa notice of admission.
Samtang karon ng July 20 ang deadline matud pa sa LET application.
RadyoMaN Renz Barbarona
