Pregnant detainee sa President Quirino Municipal Police Station, nanganak sa patrol car

25

President Quirino, Sultan Kudarat–Malampusong napaanak ang usa ka mabdos nga detainee samtang kini anaa sa patrol car sa mga police sa lungsod sa President Quirino, Sultan Kudarat niadtong nakalabayng adlaw.

Matud ni Fire Officer 1 Moctar Tangcuangan, sakop sa Bureau of Fire Protection-President Quirino nga nakadawat sila ug report nga dunay manganakay nga babayeng piniriso nga nakatakda dad-on sa ospital. Pag-abot sa ilang tropa hilabihan na ang pagsakit sa tyan sa 28 anyos nga ginang.


Tungod niini paspas nga gikarga sa patrol car ang nasangpit apan didto palang, ila nang nakit-an nga dawsa manganak na gyud ang ginang mao nga ilang gitabangan uban sa mga personahe gikan sa Municipal Mayors Office sa lungsod.

Human nanganak sa Patrol car, paspas usab nga gidala sa balay tambalanan sa Buluan District Hospital sa Maguindanao Province ang mag-inahan.

Usa ka himsog nga batang babaye ang gianak sa Female detainee. Nasayran nga ang ginang ang napriso sa silda sa kapulisan human nga nadakpan tungod sa illegal gambling.

Samtang giisip usab nga usa ka bayani si Fire Officer 1 Moctar Tangcuangan gumikan sa pagtabang niini sa pagpaanak sa ginang.



Photo Credit to: Apolinario Villalobos


Facebook Comments