Pagadian City – Sa datos sa Bangko Sentral ng Pilipinas (BSP), 4 katawo sa matag pulo ka 10 Pinoy ang dunay bank account, indikasyon matud pa nga mas gusto pang motaya sa lotto ang mga Pinoy kaysa magtigom sa bangko.
Gumikan niini, nihimo og paagi ang Bureau of Treasury aron puwedeng dugangnon ang pag-tigom ug duna pay tsansa pa nga makadaog– kini ang “premyo bonds.”
Mokantidad lang sa P500 ang usaka share premyo bond nga magsilbing tiket para sa 4 ka quarterly draw sa sunod nga tuig.
Sumala ni Evelyn Lague, Regional Director sa Bureau of Treasury sa rehiyon 9, kay bond man kini, dili mawala ang imong share kun wala ka maswertehe sa draw.
Mobalik kini sa mga investor ug lakip na niini ang interes nga 3 porsiyento human ang us aka tuig. Sa matag draw, 50 ang mananaog sa P20,000, 10 ang mananalo ang modaug P100,000, ug usa ang modaog sa P1 milyon.
Naglakip usab sa premyo ang non-cash prizes gikan sa mga real estate developer-partner.
Mamahimo kang mopalit sa premyo bonds sa mga piling bangko sama sa BDO, Chinabank, Development Bank of the Philippines, Metrobank, ug Landbank. Kihanglan lang moabli og account sa nahisgutang mga bangko kay didto usab ipasulod ang interes ug premyo.
Nagsugod na ang maong programa niadtong Lunes ug moluntad lang sa Disyembre 13.
