Giklaro karon sa Commission on Election kon Comelec Region 10 nga magpadayon ang ilang preparasyon taliwala sa pag-uktaba sa Barangay ug Sk election sa Mindanao.
Sa interview sa RMN Malaybalay ngadto kang Atty. Renato Magbutay ang regional director sa Comelec 10 gibutyag niini nga ilawom sa resolusyon nga nagpostpone sa pagpahigayon ug election, 30 ka adlaw pagkahuman sa hinungdan sa pag-uktaba, himoon ang eleksyon gawas lamang kung aduna nay balaud nga magtakda sa petsa kung kanus-a himoon ang piniliay.
Matud niya nga mas makaayo ug mangandam lang gihapon sila aron dili na kaayo bug-at ang trabaho pag-abot sa eleksyon.
Gipahayag pa sa regional director nga dili na applicable sa Mindanao ang election period nga magsugod unta karong September 23, 2017.
