Davao City- Ang pagdeklara og revolutionary government usa kini ka prerogative sa presidente aron iyang masalbar ang nasud gikan sa bisan unsang kagubot.
Sumala ni Consortium of Bangsamoro Civil Society Regional chairman Sammy Buat, malaumon sila nga dili moabot sa punto nga modeklara ang pangulo sa revolutionary government aron malikayan ang dakong kasamok.
Dili usab malimod nga dunay mga makita karon nga destabilization move sa pagpanguna sa mga kaatbang sa politika ni Presidente Rodrigo Duterte. Matud ni Buat, ensakto si Davao City Mayor Inday Sara Duterte nga duna siyay nakita karon nga mga lakang aron samukon ug mapalagpot sa pwesto ang iyang amahan.
Samtang giklaro usab ni Buat ang giingong pagdeklara og revolutionary government ni PRRD nga usa lamang kini ka pagpanghuraw ngadto sa mga grupo nga gustong gubaan ang kasamtangang administrasyon aron mapalagpot siya sa pwesto, apan dili ka kompiyansahan tungod kay mamahimo kining himoon ni pangulong Duterte.
RadyoMan Bernard Pantallon
