General Santos City—Gipaklaro karon si Police Sr. Supt. Romeo Ruel Berango ang OIC City Director sa General Santos City Police Office nga walay kalabotan sa Performance sa mga Chief Of Police ang iyahang ipahigayon nga paglahugay sa mga nasangpit.
Sumala pa niini nga ilang ipahigayon ang balasahan sa ilahang han-ay alang usab sa alignment sa mga opisyal sa matag estasyon tungod kay sa kasamtangan daghan ang officer incharge lang ang ilahang hepe tungod kay na-assign sa ubang unit ang ilahang chief of police.
Pinaagi matud pa sa pagpahigayon ug revamp masiguro sa kapulisan ang kahapsay ug kalinaw sa syudad sa General Santos.
Samtang target ni Police Sr. Supt. Berango nga mahitabo ang maong revamp sunod simana ug plano niini nga ipabalo kang Mayor Ronnel Rivera ang maong lakang ug kung asa na padulong ang mga opisyal nga ma-relieve sa ilahang position.
Nasayran nga adunay mga opisyal ang nag pa-assign sa laing unit alang usab sa ilahang promosyon samtang gipasigarbo usab niini nga walay minus ug performance sa iyahang walo ka mga Chief Of Police sa syudad. (Dave Silagan)
