Davao City-Gidayig ni kanhi Pangasinan Archbishop Oscar Cruz si Presidente Rodrigo Duterte, tungod sa iyang pagkamatinud-anon sa pag-angkon nga grabe na kaayo ang pagkuyanap sa gidiling droga sa nasod sa pagtoo nga gamay lang ug mamahimong makontrolar sa sulod sa unom ka bulan nga kampanya.
Matud ni Cruz, ang gusto na pud niyang masayran karon, kung unsay himoon sa Presidente sa dihang iyang nasayran kung unsa ka grabe ang suliran sa gidiling droga sa Pilipinas.
Tungod niini gihagit karon ni Cruz, ang lederato ni Presidente kung unsay himoon o plano kabahin niini, aron masalbar ang mga inosenting kabatan-onan o giingon niyang umaabot nga henerasyon.
“Hinahangaan ko siya dahil sinabi niya na hindi niya kaya sa isang taon o how many years, ang gusto ko lang malaman sa ngayon kung ano ang gagawin kung hindi kaya alisin ang droga for so many years, what is his plan? ” sigun ni Archbishop Cruz.
Angayan lamang suportahan gayud ang presidente sa iyang kampanya batok sa gidiling droga human iyang nasayran nga grabe na gayud ang pagkuyanap niini sa katilingban.
Matud ni kanhi Gabriela Partylist Representative Luz Ilagan, dalaygon ang gihimo sa pangulo ug angayang suportahan sa tanang sektor tungod kay siya lang ang pamunong nasod nga nakahimo niini nga tinguha.
Kasamang Bernard Pantallon
