General Santos City— Giangkon ni Police Senior Superintendent Romeo Ruel Berango Cty Director sa Gensan City Police Office nga sagad gyud sa mga krimen sa dakbayan lambigit ang mga batrang sukarap kon Children In Conflict With The Law.
Basi matud pa sa ilahang datus gikan sa mga WCPD kon women And Children Protection Desk, nagadaghan ang mga grupo sa mga CICL sa dakbayan. Sama nalang matud pa sa nahitabong pagpatay sa usa ka langyaw nga negosyante nga aduna mya menor de edad nga lambigit sa krimen.
Dugang pamahayag ni Col. Berango sa kinahanglan gyud nga hatagan ug igong pagatagad sa kapulisan ang presensya sa mga batang sukarap. Apan iyahang giangkon nga kulang gyud ang pwersa sa kapulisan rason nga ilahang gikinahanglan ang koordinasyon gikan sa CSWD ug mga opisyal sa barangay.
Sa karon matud pa nagahimo na sila ug mga plano kung unsay mga angayang himuon aron nga makunhuran ang ihap sa mga cicl sa syudad nga gikonsidera ng problema.
Kalabot niini, gibutyag ni Col. Berango nga matag adlaw aduna silay mga menor de edad nga ma-rescue sa kadalnaan hilabina ang maabtan ug curfew hours.
Kung asa padayon ang kalambigitan sa mga nahisgutan sa mga kriminalidad ug sagad kanila ang nagapahigayon pa ugn mga pagpang-recruit sa mga tunghaan sama sa mga highchool ug bisan na sa elementarya.
Gani iyaha ng gipasuta sa ilahang datus kung si kinsa ang mga pabalik-balik ng narescue aron usab nga mapatawag ang mga ginikanan.
