General Santos City–Walay angay nga kabalak-an ang mga katawhan sa Gensan samga makit-an nga mga tangke de gyera nga iya sa Joint Taskforce Gensan sa mga check point nga gina pahigayon sa PNP ug AFP sa syudad mao kini ang nahimong pag butyag ni Police Senior Supt. Romeo Ruel Berango, ang Acting City Director sa General Santos City Police Office.
Sumala pa ni Col. Berango nga normal matud pa nga makit-an sa kawtawhan ang mga himan sa kasundaluhan ug kapulisan sa mga check point tungod kay gipa-ilawom karon ang syudad sa alert level 4 tungod sa nahitabong pag busikad sa Barangay Calumpang pila ka simana na ang nakalabay ingon man ang giselibrar nga kalag-kalag.
Gipaklaro usab ni Col. Berango nga dili matud pa kini pasabot nga nalutsan na ug dautang elemento ang syudad usa lang matud pa kini ka pamaagi aron nga ipakita nga andam ang kapulisan ug kasundalohan sa unsa mang emergency nga posibling mahitabosa syudad.
Mag padayon matud pa ang ilang ginahimong check point hangtod nga dili ubsan ang alert level sa syudad.(Dave Silagan)
