General Santos City—- Ginahatagan ug igong pagtagad sa militar ang presensya sa teroristang Abu Sayyaf hilabina nga giilang bag-ong lider sa ISIS ang lider sa grupo nga si Sajid Sawadjaan.
Sumala kang Major General Jose Faustino Jr., commnding officer sa 10th Infantry Division nga kanhi na usab siyang na-destino sa mga lugar nga ginalihukan sa Abu Sayyaf, ug nasayud na ang torpa sa gobyerno sa agan sa ilahang mga aktibidad.
Busa sila matud pa sa 10th ID, ilahang gina-pangingkamutan nga dili mukatag sa ilahang area of responsibility ang mga teroristang lihok sa maong grupo.
Samtang sa managlahing grupo nga nagalihukan sa area sa 10th ID, gibutyag ni MGen. Faustino nga nagpabiling manageable ang presensya sa Ansar Al Khilafa Philippines kon AKP.
Kung asa halos wala na matud pay kapasidad ang maong grupo apan pabilin nila kining gina-monitor. Samtang ang rebeldeng New People’s Army kon NPA, ilaha matud pa ginasiguro nga dili na makabalik pa ang daang pwersa niini.
Pinaagi matud pa sa managlahing programa sa gobyerno ilalom sa executive order no. 70 kung asa gikinahanglan tapuson ang mga local nga terorista o mga rebeldeng bahad sa siguridad.
Nakig-alayon na usab sila sa managlahing ahensya sa gobyerno sama sa mga opisyal sa barangay aron nga mapaabot ang kampanya ug mangayo ug tabang aron nga batukan ang terorismo sa ilahang mga lugar.
