Davao City- Usa ka pagpasidaan ang gihimo ni Presidente Rodrigo Duterte sa himoong protesta sa mga militanteng sektor sa higayong dunay matigayong kagubot o anarkiya karong Setyembre 21 isip commemoration human gideklara ang Martial Law niadtong tuig 1972, 45 ka tuig na ang nakalabay.
Sumala ni Institute of Popular Opinio (IPO) Executive Director Prof. Adrian Tamayo, usa kini ka indikasyon nga buot sa pangulo nga ipatuman ang balaud. Gipasabot pa ni Tamayo, naniguro lang ang presidente nga kung dunay mahitabong kagubot iya gayud ipatuman ang balaud ug pahamtangan sa silot ang maghimo.
Matud pa ni Tamayo, katungod sa pamunong nasud ang paggamit sa residual power sa higayon mabutang na sa kapeligro ang estabilidad ug demokrasya sa nasud.
Kasamang Bernard Pantallon
