i Balita September 08, 2018 (Photo From Web. No Copyright Infringement Intended)
Nag-demand sang public apology halin kay Presidente Rodrigo Duterte ang pila ka kongresista angut sa iya pahayag nga madamo sang gwapa sa Davao gani madamo sang rape.
Ini angut man sa mataas nga rape cases sa Davao City kon sa diin, nagapanguna ini sa may mataas nga numero sang rape cases sa mga syudad sa pungsod subong nga 2nd quarter sang tuig.
Suno kay ACT Teachers Representative France Castro, dapat nga magpangayo sang pasaylo kag bawion ni Presidente Duterte ang mga pahayag angut sa rason sang pagtaas sang rape cases sa Davao.
Dugang pa niya nga imbes solusyunan ang mataas nga kaso sang rape sa Davao City, ginhimo pa niya ini nga ‘joke’ kag nabasol pa sa hitsura sang babayi ang rason kon ngaa nahimuslan.
Ginkondena ni Castro ang mga pahayag nga ini ni Presidente Duterte nga suno sa iya “unbecoming” para sa isa ka public servant ilabi pa nga presidente ini sang pungsod.
